佐賀山田 (已結業)

今日约左好耐冇见既朋友在青衣城见面食野行下， 在谂食什么时， 见到佐贺山田， 烧肉放题100分钟都只是黑安格斯牛都是三百几，而且环境干净，时间尚早，闲日人流不算多， 行到攰可以坐下食下， 倾下计都好。坐底职员就送上一盘烧肉盛， 已经包括几种靓牛肉， 有齐不同部位同切法， 各有优胜， 部分油脂分布均匀油香四散， 薄薄一片， 快熟得来， 又容易烧到金黄。有啲部位虽然油花不多但肉味香浓。其间不懂使用烧炉， 职员都好帮忙关细火一些。之后继续主攻牛肉之外， 再试下其他野食， 当中都有几种海鲜类别既野， 试左牛油煮蚬， 鱿鱼仔及较特别的一夜干及鳕鱼片。煮蚬同鱿鱼就一般般， 但另外两款有惊喜， 一夜干烧起上来真是外面皮脆， 入面鱼肉软。鳕鱼片更特别， 但要小心烧㶶， 烧一阵缩左啲硬身就可以食， 食落系似鱼味香浓既脆片。仲试左牛油金针菇、粟米同翠玉瓜， 三样都不错。饮品方便选择很多， 选左解茶解油腻， 可以食多啲。最后当然食番两枝日本口味雪条先满足离开， 太饱有其他口味雪糕同甜品都试不到了。