太郎居酒屋

营业中

休息中

由于疫情放宽返，即刻约朋友去尖沙咀行街睇戏，今日喺海港城买咗好多嘢行到攰攰地，上OpenRice望吓附近有咩好食，见到附近有间日本菜有刺身同串烧食都几吸引即刻去试吓，地址系广东道82号流尚坊9楼，太郎居酒屋。餐厅环境非常有格调，好友日本风情。而且坐得都几舒适。薯仔沙律 28元，薯仔味道都几清新，而且色泽都几吸引，佢就知非常新鲜，味道清甜，作为开胃菜真系一流。鹌鹑蛋肉卷 ，烧肉烧到刚刚好，带有有少少肉汁，包住粒鹌鹑蛋嚟食味道都几夹，加上有少少沙律酱同紫菜，味道同口感都好出色。烧鸡软骨，鸡软骨烧到好香口，食落口好香脆。蒜蓉韭菜油掦，第一次食，好特别，烧香咗豆腐卜，咬落去入口香脆，中间仲有啲韭菜非常特别。真系好好食。烧翠玉瓜，味道清甜，瓜肉带点爽口，唔错。烧鸡翼，卖相非常吸引，鸡皮烧到金黄色，而且肉质仲系好嫩滑多汁，一流。蚬肉非常鲜甜，加上蒜香，焗出嚟特别好食，完全食到新鲜嘅味道。正食咁好味嘅串烧，一定要配返杯啤酒，抹茶啤酒味道都几好饮，唔会有普通啤酒嘅苦味。值得推介。