禮 (已結業)

星期五晚上想食啲好嘢开心倾吓计，就去咗太子既礼。听闻呢度有好多美味嘅日本小菜，于是就过嚟～首先我哋叫咗个胡麻日本蕃茄沙律，份量好多，蕃茄好清甜，好好味。然后有啲类似芝士鳕鱼条嘅，烧鳕鱼干，饼干嘅口感，好惹味，系咁食。酒盗芝士，好惊喜！好惹味，有酒嘅香味，再加埋芝士，成件事好开胃。南蛮炸鸡，好耐冇食过呢味菜啦！调味真系好正，非常之香口，炸鸡嘅鸡肉好滑，皮好松脆，调味一流。日式煎饺子，好味，皮薄馅靓，煎得啱啱好。富士苹果烟肉卷，第一次食呢个配搭，又几好味，苹果嘅清新香味同烟肉嘅咸香味好夹。我哋仲叫咗一个素牛肉丸串，好惊喜，识落好似食牛咁样，估佢唔到！日本烧鱿鱼，好大条，好足料，调味又系一样咁出色，好惹味。好丰富又满足嘅一餐，好钟意呢度嘅调味。