小草十八怪石鍋米線 (已結業)

同朋友太耐冇见，所以今晚拣咗18怪石锅米线一齐食餐饭。好彩有book位，去到唔使等就可以入座。我拣左石锅生滚胡椒猪肚奄仔蟹米线，朋友要咗个金汤过桥石锅米线，另外叫咗串烧海虾，虾胶酿豆卜同埋椒麻虾胶腐皮脆卷。我个米线因为有奄仔蟹，成锅米线特别鲜甜😋仲有枝竹，腐皮，金菇，猪肚，食落口感丰富。朋友既金汤过桥石锅米线，虽然睇落平平无奇，但其实内有干坤。底下有封门牛柳，墨鱼头，花胶，鲷鱼片🤩朋友话鲷鱼片食落好鲜味，又弹牙，花胶又索晒啲精华，赞不绝口👍🏻虾胶酿豆卜同埋椒麻虾胶腐皮脆卷系因为见网上面太多人推荐，所以试下。个豆卜炸到卜卜脆，点埋特调酱特别香口😍虾胶腐皮脆卷既虾味够浓又啖啖肉，值得推介。烧虾外面加左小小盐，烧到微焦，连壳一齐食更惹味😙十八怪交通方便又坐得舒服，有机会会再黎。