南洋家

营业中

休息中

南洋家位于湾景楼地下、地点非常方便。喺中央图书馆附近行1分钟就揾到。🚶虽然系外卖店、但系应有尽有、唔同种类嘅东南亚小食都有。例如芒果糯米饭、唔同类型嘅饮品。👍👍我同朋友叫咗是日推介，＄100任选三盒。分别拣咗海南鸡、炭烧猪颈肉同埋芒果糯米饭。甜品方面，我地各自叫一份斑兰蛋糕。店员非常细心❤️ ，临走前提醒我哋芒果糯米饭记得拎走个芒果，然后叮热啲饭先好食。唔系啲饭就会硬晒同黐埋一旧。海南鸡个皮好脆，肉好爽口。点埋𠮶酱食甜甜哋、好惹味。🥰炭烧猪颈肉加个酱一齐食好有泰国风味🇹🇭、但系会有啲辣。🌶️芒果糯米饭，系夏天食好爽，芒果冰凉凉配埋椰汁捞饭食。再加多一件饭后甜品班兰蛋糕，好有幸福嘅感觉。估唔到可以一次过试晒唔同嘅东南亚美食、超正。