影片
更多
2017-04-22
2867 浏览
相约一位老同学食晏，知佢食嘢一向有要求，所以都唔敢太随便揾间，再者，中环区一放午饭，真喺多人多到不得了，要形容就好似蜂群而出。为咗同老友好好倾吓偈、食餐饭，就专登行上少少拣咗较静局位处苏豪区嘅法式小馆「Bouchon Bistro Francais」。虽然谂住苏豪呢边会人少啲，但估唔到午市嚟到Bouchon客人已唔少，不过，斯文客多，所以，都唔好嘈吵。正好餐厅嘅定位「法式小馆」（Bistro）, 环境非常古风雅致，近门口嘅酒吧区故然抢眼，但餐厅内嘅一枱一木，墙上嘅挂画、古钟、装饰，都令到整个环境弥漫一派古典气息。较吸引小弟嘅，喺天花一组嘅古典吊扇，靠几组滑轮加上索带，来驱动吊扇，够经典，又有趣。全店都喺以高脚酒吧式枱櫈为主，但餐厅尾有几组梳化椅（都喺高脚），小弟觉得喺好坐舒服嘅最佳位置。午市主打嘅套餐分为两道菜（$138）或三道菜（$158），另加一服务费，每一环都有数款选择，只喺部份菜式需要另行加钱，如法式洋葱汤。大家都喺好甜品之人，就唔介意俾多$20食埋件甜点啦！百吉包篮平常我哋称百吉包叫长法包，不过，今次嘅法包唔可以称上长喇，喺一般嘅长法包1/3长度，但两个人够晒食啦。好钟意佢哋
虽然谂住苏豪呢边会人少啲，但估唔到午市嚟到Bouchon客人已唔少，不过，斯文客多，所以，都唔好嘈吵。正好餐厅嘅定位「法式小馆」（Bistro）, 环境非常古风雅致，近门口嘅酒吧区故然抢眼，但餐厅内嘅一枱一木，墙上嘅挂画、古钟、装饰，都令到整个环境弥漫一派古典气息。
较吸引小弟嘅，喺天花一组嘅古典吊扇，靠几组滑轮加上索带，来驱动吊扇，够经典，又有趣。
全店都喺以高脚酒吧式枱櫈为主，但餐厅尾有几组梳化椅（都喺高脚），小弟觉得喺好坐舒服嘅最佳位置。
午市主打嘅套餐分为两道菜（$138）或三道菜（$158），另加一服务费，每一环都有数款选择，只喺部份菜式需要另行加钱，如法式洋葱汤。大家都喺好甜品之人，就唔介意俾多$20食埋件甜点啦！
百吉包篮平常我哋称百吉包叫长法包，不过，今次嘅法包唔可以称上长喇，喺一般嘅长法包1/3长度，但两个人够晒食啦。好钟意佢哋加张纸垫住个篮，又将啲牛油加张蜡纸隔一隔，让人感觉更衞生。
法包喺热烘烘，外皮硬得嚟唔会咬到损，非常脆口有面粉香，而里面软绵绵好软熟，却又有重烟韧感，搽啲牛油，增加少许咸味，简单好食。
Soupe a L’Oignon（+$18）嚟到法式菜馆，老友话唔饮过法式洋葱汤就好似无嚟过，可能咁讲会夸张啲，但洋葱汤又确喺法式经典。卖相已经好对辧，以小铁窝盛载满满嘅洋葱汤，一揭起面头块艾文顿芝士，洋葱香气就一涌而出，一大片厚厚嘅百吉包吸透汤汁，夹杂芝士一齐食，朋友话喺滋味嘅享受；再者，洋葱味很浓郁，带甜而完全无涩味，令人喜出望外。
Soupe a L’Oignon（法式洋葱汤）
89 浏览
0 赞好
0 留言
Salade de Figues Rôties虽然唔识法文，但每道菜都有所用食材嘅英文名称，依道以烤无花果、羊奶芝士、合桃，配上沙律菜、青瓜粒、车厘茄非常清新，而且，份量可不少。整体味道好又元化，多变而和谐，咸甜相互平衡，而捞沙律菜嘅红酒醋加咗蜜糖，酸度平衡番，感觉就更好食。
Salade de Figues Rôties（无花果、羊奶芝士沙律）
149 浏览
1 赞好
0 留言
Chicken Leg主菜方面5拣1，老友拣烤法国鸡脾，听落食鸡脾好似无乜特别，其实主要食食材质素。鸡脾烤得金黄，外皮脆卜卜，肉嫩而富鸡肉味，唔喺𠮶啲雪到死晒可相比，而啲法式香草牛油（Café de Paris Butter）溶溶哋渗落鸡皮、鸡肉中，令味道就变化得更为芳香；底下垫满法式绿扁豆（Puy Lentils），口感腍腍，有啲似煲腍咗嘅绿豆咁。
Steak Frites几款主菜，都喺牛扒最满足到我依个食似兽，甫上枱，份牛扒份量十足，应该唔止惯常嘅8安士吧！牛扒煎得焦香并带有坑纹，睇外观已引得人流晒口水，伴菜有大量幼身薯条及炒洋葱，前者甘香脆口，重点喺唔油，后者则炒至清甜。
Steak Frites（烤牛扒）
70 浏览
0 赞好
0 留言
Tarte du Jour如果得啲法文字真喺唔知喺乜，其实喺是日挞品，不过，与其称之为「挞」，喺是日蛋糕啱啲。之但喺，件香梨蛋糕仍属高水准之作，下层海绵蛋糕好松软，上层香梨蓉好清甜，伴以鲜打忌廉及红桑莓，卖相清新怡人。
Mousse Au Chocolat老友则点选朱古力慕丝，小弟滔一小羹试试，已经食得出朱古力味够晒香浓，而且，啲慕丝做得细滑轻盈，仲好手工一层层咁由底唧上去，比起填满式做法更见心思，卖相更靓仔。此外，仲加埋少少海盐焦糖浆、红桑莓，令味道更丰富。
Mousse Au Chocolat
79 浏览
0 赞好
0 留言
试过Bouchon嘅午餐，质素确喺高水准，用料无欺场，怪唔之得位置咁吊脚都有咁多人嚟帮衬食晏，再者，甚有法国小馆子嘅气氛，值得嚟食餐好嘅！
张贴
