新記煲仔雞粥 (已結業)

呢次同朋友到元朗食晚饭，去左又新街果间新记煲仔鸡粥，我地六点钟食饭就冇咁多人，一到七点左右就要等位了。餐牌有好多选择见到好似样样都好美味，粥品种又多，我地叫左驰名海鲜粥。驰名海鲜粥：带子好爽口，鱼又好爽，虾又大大只爽口弹牙，蟹又好新鲜蟹肉又够实，粥好鲜甜又够绵，真是美味可口。脆皮乳鸽热辣辣外脆肉嫩，又有肉汁，不用沾上椒盐已经够入味😋好少地方有虾米炸两肠粉吃，见到呢度有紧系叫一碟来试下，虾米仔不会好硬都几好味，肠粉皮又不会太厚几滑溜，包住油炸鬼一起食非常美味👍👍👍炸鱿鱼须粉够厚，鱿鱼又不会韧，上碟又热辣辣。七喜龙眼冰不会太甜又有几粒龙眼肉。凤爪够入味又无骨，酸酸地甜甜地辣辣地几开胃的一个小食。