醉美島 (已結業)

今日约咗朋友入元朗行街睇戏,睇完戏谂住喺附近揾啲嘢食,朋友带咗我去一间餐厅。醉美岛,餐厅位置喺元朗凤攸南街3号好顺景大厦地下,餐厅地方虽然唔大,座位空间感好足够,坐得都几舒适。落单用QR CODES非常方便,今次试下餐厅推介醉美岛海鲜锅,二至四人份量。海鲜锅上枱卖相非常吸引,材料好丰富有鲍鱼,鱿鱼须,蟹,莴笋,粟米,薯仔,芫茜,豆腐卜,娃娃菜,金针菇。鲍鱼size大只,爽口弹牙非常新鲜,肉蟹分量好多又大只,蟹肉非常肥美,加上有少少蟹膏,味道更加鲜甜,一梳梳蟹肉食落去真系好正。海虾非常新鲜,虾肉爽口弹牙,味道鲜甜,成个煲都系花甲,花甲size是好大只入口爽甜,成个汤底都系新鲜嘅海鲜味,连个汤嘅味道都好鲜甜,莴笋吸收晒汤底嘅精华,入口爽甜无比。豆腐卜真系最入味。呢个海鲜锅真系好值得推介,材料丰富用料新鲜。醉美 五花肉串,五花肉肥瘦均匀,加上烧到啱啱好,仲有肉汁,食去特别香口惹味,加上少少孜然粉调味,令肉味更加突出，肉质爽口最后点咗杯椰汁冰,清凉解渴椰子味香浓，吾会太甜，透心凉