The BASE (已結業)

星期六行完楼上仓，揾附近餐厅食饭，呢间颇有好评，试下无妨。自己一个，walk-in都有位真好。叫咗个名好长嘅汉堡，简单啲讲咪就系牛堡啰。老老实实，而加食麦记都三四十蚊，食好西呢个价都系入门级架啦。等咗阵上枱，热辣辣炸起薯格，块扒又多汁又有肉味，个包又软又香，好评系有理架，唯一要弹就系块烟肉有啲硬同冷气唔系好够啰。推荐饮冰鲜果茶，生果新鲜，茶胆又调得好，埋单一百蚊落楼。小插曲，餐厅有个户外区，几舒服，如果秋天烧嘢食都几正。