Chibee Chicken and Beer (已結業)

见网上评语不错，就试下啦！一去到见到有人喺门口等位，但职员问我地坐唔坐bar枱，我同友人两个都冇问题，所以即刻可以入去坐低。店内职员全部都系韩国人，但可以讲流利英文，所以落单时冇大问题！食物选择唔多，有几款更加停卖，所以好快就可以落单。我地叫左原味炸鸡，韩式鸡肉沙律，同埋卡邦尼年糕。一个银色银器装住超过10件炸鸡，配上两个酱汁，一个盐椒粉。炸鸡外脆内滑，炸粉唔会太厚，好松脆，最意想不到既系鸡可以咁滑！韩式鸡肉沙律又系好好味，特别系个汁，酸酸地好开胃。最后系卡邦尼年糕，感觉同食卡邦尼意粉一样，只系将意粉转做年糕。年糕入口好滑，咬落“in un ”弹牙，实在停唔到口。不过都预左卡邦尼会比较漏，所以食完十分饱！整餐饭好满意，除左野食好味，店员礼貌都好好。友人只点选一支啤酒，店员随即主动问我要唔要水，服务好好。