深仔記 (已結業)

收工夜咗，返嚟太和先揾食，又攰又饿，离远见到深仔记个招牌已经比佢深深咁吸咗过去 ，顺便叫埋男友陪我宵夜。有咩好得过呢刻有个爱人陪住一齐叹住呢啲经典味道。净牛腩，炸云吞，灼黑柏叶拼鱿鱼，蚝油云吞捞粗，腐乳通，加埋冻豆浆。先嚟柱候牛腩，香喷喷立即起筷，牛根又淋又入味，几乎入口即溶，腩位肉一疏疏，点埋辣油更刺激。灼黑柏叶同鱿鱼都系爽爽嘅，点埋个辣椒豉油又系经典嘅绝配味道。招牌云吞捞粗，而捞粗就一定要有蚝油，粗面表面面积够大，较易沾上蚝油劲惹味。饮啖热汤，之后再食足料云吞，内里七成位置都系虾，呢个时候由于佢都沾上咗少少蚝油，试过净点辣油都够滋味。腐乳通就不过不失，仲系青绿色 。最后要赞嘅系炸云吞，将招牌云吞炸到劲香脆，点上沙律酱，男友口大大可以一啖过。见佢食到津津有味，如果呢刻有支蓝妹就不得了，好钟意呢个。