有囍 (已結業)

月头特别忙又夜收工，一班同事一齐O.T., O.T.完紧要慰劳吓自己，找啲好嘢食医肚。之前圣诞节买圣诞花装饰，经过呢条街，发现好多食店，其中呢间「有囍」门面几吸引，门口用上粉蓝色，十分吸睛，店内椅子七彩缤纷，心谂呢间餐厅落足心机装修，嘢食应该都唔会差，下次要嚟试下 。今晚正好有机会，一班同事放工后嚟食饭。 一入店内发现餐厅空间感十分充足，没有逼夹感觉。 我们叫了五个𩠌。星加坡麦皮虾 $188: 麦皮好金香，应该系胚芽加盐喺焗炉焗过，咸咸香香好好食，虾壳好香脆， 我们连壳食，肉质亦易好好。豉椒炒花甲$128: 花甲好鲜甜，酱汁调得很惹味，配料亦很新鲜。砂锅云吞半只$138: 分量十分之多，一粒云吞里面有两只虾， 鸡很滑唔似雪藏鸡。有囍海鲜喇沙米粉$108: 又系份量十分之多，看似一碗细细碗嘅米粉，但食极都仲有，喇沙汤底辣度适中，唔食辣嘅同事都有食，有很多海鲜， 有虾、青口、蟹柳及鱿鱼。香煎蚝仔饼$98: 非一般嘅蚝仔饼，与外面嘅蚝仔饼不一样煎得非常松脆，再配上辣椒酱十分美味。