影片
更多
2016-03-09
985 浏览
除咗16、17年前晌观塘区打过工之外，平日甚少过嚟，不过，自从依3、5、7年观塘不断嘅蜕变，多咗大商场，厂厦嘅转型，走访依区真喺多咗好多，原因都喺嚟揾食，之前曾到访过身处厂厦之内嘅私房菜、咖啡室、西餐厅……等等。是夜，嚟到离港铁唔远巧明街嘅厂厦，与友人晌K2 Kitchen叹番一餐抵食嘅欧陆菜，依家嚟厂厦揾食，已经绝不跷蹊！因为已经唔喺第一次嚟厂厦食饭，所以，都知道由大堂、上楼到走廊，都一如一般工厂大厦咁，简陋基本，不过，入到餐厅就会有种别有洞天嘅感觉 。K2 Kitchen以黑、白、灰为主色调，虽然装修简约，但配合一点灯光，都不失气氛，天花上嘅薄纱布，亦增添点点美感。而且，席间见唔少客人跟店长寒暄，相信都得唔少熟客支持。入门口时，除挂上餐牌之外，亦见到午餐及晚餐都有晌指定时间前结帐8或9折优惠，不过，向店员查询后，午餐只有星期一至五供应，星期六、日不设午市，优惠未有机会享用到；至于晚市个优惠，我谂同区工作又收工早嘅朋友可以把握到。此外，餐厅欢迎客人自携餐酒，更唔收开瓶费，啱晒喜欢小酌几杯嘅朋友。餐牌散点嘅菜式种类，都一如常规包括前菜、汤品、小食、主菜、甜品及饮品。但点计，晚市套餐最
因为已经唔喺第一次嚟厂厦食饭，所以，都知道由大堂、上楼到走廊，都一如一般工厂大厦咁，简陋基本，不过，入到餐厅就会有种别有洞天嘅感觉 。K2 Kitchen以黑、白、灰为主色调，虽然装修简约，但配合一点灯光，都不失气氛，天花上嘅薄纱布，亦增添点点美感。而且，席间见唔少客人跟店长寒暄，相信都得唔少熟客支持。
入门口时，除挂上餐牌之外，亦见到午餐及晚餐都有晌指定时间前结帐8或9折优惠，不过，向店员查询后，午餐只有星期一至五供应，星期六、日不设午市，优惠未有机会享用到；至于晚市个优惠，我谂同区工作又收工早嘅朋友可以把握到。
此外，餐厅欢迎客人自携餐酒，更唔收开瓶费，啱晒喜欢小酌几杯嘅朋友。
餐牌散点嘅菜式种类，都一如常规包括前菜、汤品、小食、主菜、甜品及饮品。但点计，晚市套餐最划算，4道菜，定价于$188~$268，视乎所选择嘅主菜。此外，又可以用个优惠价$20额外点多一客小食 。
除咗主餐牌之外，晌入门口位，更会登出一啲是日嘅厨师推介，有前菜，有小食，甚型甜品。当晚，我哋就遇见托托蚬及橙酒煮班戟。
白酒煮纽西兰托托蚬 $108 店长嘅极力推介，因为，啲蚬不时返货，卖完就无，未必次次遇到，搞到我哋心郁郁，虽然，可能都喺销售技俩，但记得曾经晌中环Chateau Aqua Oyster & Wine食过一次，同样都喺白酒煮，印象深刻，所以，一于再试。上枱时见啲托托蚬大到咁，朋友都即时哗哗声 。一客有6大只，只只无花无假，都够晒肥大肉厚，蚬肉入口带点忌廉香气，食落咸鲜，感觉充满海洋味道，而且更渗出淡淡白酒香，实在令人回味 。
白酒煮纽西兰托托蚬
$108
50 浏览
1 赞好
0 留言
北海道甘虾伴芦荟沙律 前菜有两款选择，先试个甘虾，卖相非常吸晴，大大件嘅甘虾，以刺身形式登场，味道鲜到不得了，口感带点胶质，而虾头更有唔少虾膏，友人超赞 ；伴油醋沙律菜都喺颇大路嘅处理，不过，再加入芦荟粒就增加咗口感同新鲜感。
北海道甘虾伴芦荟沙律
29 浏览
1 赞好
0 留言
个名就超复杂咁，但其实个沙律卖相立体精简。单单清甜嘅红菜头之上，伴上浓香嘅羊奶芝士及爽甜嘅帆立贝，味道丰富，口感有层次，而且，用料不赖，好有心思嘅一道前菜。
黑鱼籽鲜虾忌廉蛋 +$20 之前，讲过可以优惠价加配小食，选择包括黑鱼籽鲜虾忌廉蛋、罗勒盐烧有机温室大伞菇、自家烟熏三文鱼伴血橙。我就无点试，友人就拣咗「忌廉蛋」，评语喺极为欣赏，卖相精致，黑鱼籽咸鲜味吊起蛋内嘅忌廉蛋白，当中又有鲜虾粒，沉底嘅蛋黄浆激发出浓浓蛋香 。
牛肝菌榛子蓉汤 睇样好似好粗，但入口一啲都唔喺，几顺滑，而且，啖啖充满菌香，味道一流；而汤中混入榛子蓉，有啲粒粒，增添当中嘅口感之余，亦令菌中有淡淡榛子香渗出 ，喺一道好有亮点嘅餐汤。
牛肝菌榛子蓉汤
16 浏览
1 赞好
0 留言
卖相平实唔花巧，只配一条脆饼干条，但一上枱已闻到浓浓南瓜香，用料不赖，质感幼顺，甚有水准。
南瓜忌廉汤
16 浏览
1 赞好
0 留言
威灵顿纽西兰牛柳 $258
依家都唔喺咁多餐厅肯做威灵顿牛柳，因为麻鬼烦，铺上鹅肝酱、野菌，又要加巴马火腿，包酥皮，又煎又焗。难得主菜有得拣，小弟都算算哋食肉兽，就心水依一道菜啦。卖相精中有细，件牛柳裁得几大件，仲包到成个心脏咁，切开𠮶吓已感到肉质软腍，色泽唔单止粉嫩，入口真喺好嫩滑，又有肉味，夹埋其他配料，味道好有层次，加上个酥皮又脆㖞 ！
威灵顿纽西兰牛柳
$258
36 浏览
1 赞好
0 留言
海胆忌廉煮北海道刺身带子扁意粉 $188 单睇食材成份，喺一道非常吸引嘅菜式，不过，用咗熟海胆加入扁意粉中，出嚟嘅效果唔及一瓣瓣海胆摆出嚟咁吸晴，但喺，个扁意粉仍然有唔嘅表现。扁意粉煮得好有咬口，忌廉汁中混有海胆，再者，加入蟹籽，刨咗啲巴马臣芝士，又有新鲜嘅带子粒，食味不俗。
焗原只波士顿龙虾配牛油松露酱 $258 无花无假原只嘅波士顿龙虾一定喺抢镜啲，淋上忌廉汁，撒上车打芝士，份外香浓，而龙虾肉爽口鲜甜，鲜得啲芝士都冚唔住，加上大啖大啖肉，食得真喺够爽 。之前讲过佢哋菜式嘅卖相喺「精中有细」，所谓「有细」喺指啲伴菜：木耳、车厘茄、白萝卜、西兰花，虽然喺普通嘅食材，但加以修饰，再涂上唔同色彩嘅菜蓉，感觉变好唔同，又健康啲 。题外话，考吓大家，碟中青绿色嘅会喺咩菜蓉呢？我哋都研究咗好耐，最后都要问店长，原来喺青豆蓉呀！
焗原只波士顿龙虾配牛油松露酱
$258
32 浏览
1 赞好
0 留言
上甜品前先嚟几杯餐饮，我哋叫咗鲜奶朱古力、朱古力咖啡及鲜奶咖啡，称唔上好好，叫做不过不失咁啦！始终唔喺正式嘅咖啡店，晌依方面唔喺咁强。
精选甜品套餐所包嘅精选甜品只喺士多啤梨慕丝蛋糕，其实质素只属一般，因为慕丝够软滑，海绵蛋糕底却有啲干，但卖相搭够，砌到几意境咁，有树、有花、有石，仲有蝴蝶「翩翩起舞」添。
橙酒煮班戟伴云呢拿雪糕 $88 食完上述个指定甜品大家真喺意犹未尽，而女生嘅「第二个胃」又可以无限发挥，所以，再嚟一客橙酒煮班戟。由于个班戟喺堂煮，估唔到既然喺由店长亲自操刀，一路讲解、一路煮，让小弟学到唔少技巧 ，因为，既要煮黄糖，又要下牛油，仲有橙汁、橙酒、橙青、白兰地……等等，先后有序，睇佢煮到火光熊熊，感觉都过瘾。
成品摆得靓靓，再加份云呢拿雪糕（不过，雪糕球之下垫啲沙律菜就有啲搞嘢 ），啲班戟非常好食，充满橙香，又带几分酒味，口感柔软而烟韧 。一客有4件班戟，除匀都喺廿零蚊件，绝对好值得试。
橙酒煮班戟伴云呢拿雪糕
$88
34 浏览
1 赞好
0 留言
今晚食得非常称心，服务亦唔错，喺后尾上餐饮及甜品有啲乱同慢，后尾店长解释话今晚特别旺，所以，人手都有啲紧，有咩待慢咗都唔好意思，你咁讲都已经算有份心。有啲餐厅嘅店员认真倒老细米，正所谓生命无take 2，如果服务唔好就肯定翻兜无take 2啦。
张贴
