龍華(瑞興)大酒樓 (已結業)

其实今次已经唔知系第几黎食，搬佐入黎八乡都已经十八个月，去呢间《龙华》最少都五六次，无论饮茶定系晚饭都觉得好抵食。不过因为次次都唔记得带相机去，所以无影过相。锦田既《龙华》同沙田既《龙华》系两间无关系既酒楼，不过大家都一样系旧式酒楼、都系无咩装修、卫生一般同埋服务一般。但系讲到食，锦田《龙华》就抵食好多。而且又平 D，好味 D，大碟 D。但系如果住市区，就真系几远。烧鹅美道极佳，鹅皮烧得脆，鹅肉又入味又腍。系《天鸿》以外既平价之选。我地一坐低就叫佐烧鹅先，阿姐话卖晒，好在我已经订台时留起半只。嘻嘻…﹝佢地既烧鹅一般七点半后就卖完，所以如果迟去就一定要预留。﹞豉椒鹅肠既鹅肠洗得好干净，可惜系跟住烧鹅上，觉得烧鹅留在口中既美味仍然盖过了这个菜。虾酱通菜既虾酱味唔错，通菜新鲜度一般。可能因为我地八点半先至去到，太夜了 。﹝上次食既芥兰超好食，好少食到又爽脆又鲜甜既芥兰，下次一定要食返佢。﹞砵仔蒸饭真系一定要食。D 饭蒸完出黎一粒粒已经好吸引，加埋附上既猪油同特制豉油，捞埋一齐，哗…超正！是晚餐单：烧鹅 ﹝半只﹞豉椒鹅肠虾酱通菜砵仔蒸饭﹝两份﹞冻柠檬茶﹝两杯﹞泰象啤﹝两支﹞埋单：$258所有饮