老虎岩(第6座)潮式粉麵咖啡

营业中

休息中

大埔真系就好多好嘢食，之前睇杂志介绍呢间传统粉面舖，今日就黎试试。餐厅位于东昌街，系广福道一转入去就见到，非常易揾。今日两点几黎到，已经可以食下午茶，粉面三十几至四十几蚊不等，亦可以加钱转双拼，都算抵食。今日唔食牛腩，试呢个招牌牛三宝配黑松露云吞河，粉面有少量葱花，炸蒜及芫茜佐味，汤头味道浓郁，饮得出无味精，河粉唔会煮得过淋，牛三宝分别系牛膀，金钱肚及牛筋，当中牛筋煮得好淋好入味。黑松露云吞都系第一次试，入口浓浓黑松露味，虾亦爽口弹牙，值得一试。睇返其他食评，先知有牛沙瓜食，有机会真系要试下。