岩盤牛扒ミディアムレア ステーキ (Greenery Plaza ) (已結業)

有一日无意中经过发现咗呢一间专食牛扒嘅餐厅，身为牛嘅爱好者，一于同朋友试呢间🤟🏿。呢度有别于平时嘅餐厅，要先同店员讲边一个部位嘅牛。我同朋友就选择咗牛板腱同后腰三角肉，各300g，同选择用蒜油去烹调。然后店员会系即是接着你所要嘅g数，证明肉系足秤嘅。然后叫餐嘅话加$28就可以选择多三种配料，不过我同朋友怕食唔晒所以只系叫咗可乐。比完钱后就可以入去坐啦，入边嘅位置唔多，同系自助形式嘅，自己拎餐食完就自己放系指定位置。揾原位之后，好快就有得拎自己个餐，我哋系叫三成熟，但系由于铁板系有热力所以三成熟放咗上去之后会变成五成熟。两者透过蒜油，散发出既牛香，食一小啖已经觉得好惊喜，肉汁够晒丰富。切薄薄嘅一片，再加少少粟米同蒜去食，一啲都唔寡，反而令人只系想食完一啖有一啖😋至于肉质方面，牛板腱既肉质系比较实，而后腰三角肉系带点脂肪，食落好有入口即溶嘅感觉。前者配合秘制酱汁，已经系Perfect match👍🏿👍🏿后者则点海盐已经好好食👍🏿👍🏿最后饮埋可乐，捧腹而走，好满足！