榮園麵家 (已結業)

牛筋腩面大走葱，继大半年前食紧野既时候坑渠传出恶嗅，心里依然有点尤有余悸 ﹗见今日落开黎旺角，而且荣园以前真系超级好食，顺便再黎试试啦，睇睇运气如何，唔赌唔知时运到 ﹗牛筋同牛腩硬到您唔信，带假牙既朋友不适宜食用 ﹗以前棉滑既牛筋腩去左边呀？牛筋牛腩各两件，太少喇麻？最正最稳阵系个腩汁汤底，几十年既精华，香浓美味，正呀 ﹗系唯一仲有荣园味道产品。辣椒油已经唔系多年前有大量辣椒肉、鲜红色既辣椒油喇，依家不香不辣，味道单调。今日又有故事，系我食紧碗面期间总制烧 fuse，出白烟出火花呀 ﹗一大阵㶶味劲嗅 ﹗无晒电，炉都开唔到 ﹗几惊会爆炸呀 ﹗老板都唔知点搞，最后都系要 call 师傅。