林德記麵食

营业中

休息中

间中都会黎上水揾食，如果想食牛腩面，林德记每次都系不二之选。同普遍鱼蛋粉餐厅一样，餐牌上有多种选择，但我只会从鸡翼，牛腩及云吞中三拣二，每次都会遇上选择困难症。今日决定食牛腩云吞河，落单时店员都会主动问要唔要加腩汁，钟意食牛腩既我当然要啦。加左腩汁既汤比其他鱼蛋粉舖既汤颜色更深，饮落非常鲜甜，有浓浓既牛腩味，牛腩炆得够淋兼好入味，云吞唔系一般既鲜虾云吞，系用猪肉馅包成，细细粒一啖一粒刚刚好。喜爱食辣既我，当然要加埋佢个秘制辣椒油啦，同普通辣椒油唔同，呢度既辣椒油除左辣之外，仲带有轻微甜味，非常惹味。由于餐厅四点就关门，所以好多野三点前已经售罄，要食好野记得早d黎喇。