老點點心竹筒飯 (已結業)

𠮶日喺旺角12点先收工，谂住喺附近揾嘢食，朋友话附近有间食点心开到凌晨两点，所以决定去试吓。我哋去到见到有好多人等紧，搞到我好期待。门口见到新出咗煲仔饭，而且星期一至星期五每日都有唔同嘅优惠。等左大约10分钟，入到去见到仲有好多人。点心有好多唔同嘅选择，而且仲有啲好特别嘅款式。鲜上肉响铃肠，肠粉皮又薄又滑，响铃非常脆，配合新鲜嘅上肉，口感一流。鲜虾炸云吞，云吞皮脆得好脆，鲜虾鲜甜弹牙。咸香黑鱼子烧卖，猪肉嫩滑，加上矜贵嘅黑鱼子，卖相同味道一流。冬笋普通鲜虾饺，虾饺皮厚薄适中，虾肉加左冬笋更添爽口。上汤牛肉球，上汤吧加咗杂菌，牛肉味加上茹味嘅鲜甜，使整个牛肉球味道提升咗。见到新出嘅煲仔饭再加上秋凉，梗系要试吓，可以拣四款𩠌，煲仔饭足够两个人食，鲜虾肉饼啖啖肉，排骨同鸡肉肉嫩多汁，特别推介腊肠，腊肠咬落好林，唔会太肥。一口忌廉焦糖蛋，甜度适中焦糖香脆，台式石榴小布甸，布甸有清新嘅石榴味，口感一流。店员服务态度细心，一坐低就开始介绍有乜好食，而且一见我哋只杯冇茶就即刻帮我地加，上煲仔饭时仲主动帮我地落豉油，服务态度一流。