881包子

营业中

休息中

今晚去旺角行一阵先返屋企，近朗豪坊附近见有间卖中式包点嘅，仲要系现场包架，唔系啲隔夜包黎。透过玻璃可以睇到系新鲜嘅食材。我买左两大盒做晚餐☺️新鲜出炉拎上手仲热架，上面呢两个系酱肉大包，啲料塞得好满啲汁好香浓🤩食得出酱肉包个馅同传统嘅中式包系有啲唔同，入面仲有菇粒㗎，呢个传统+创新馅料味道嘅概念感觉好新鲜同一试难忘！下面系鸡蛋菜包同红豆沙包，个鸡蛋菜包又系好surprise, 真系比其他包款嘅蛋味更特出，真材实料。仲有嗌左细细粒嘅鲜肉小包，同样系充满肉汁，一粒接一粒停唔到口😋其实仲有好多包款想试，下星期再黎！