Ombra

营业中

休息中

最近经过Southside，发现咗呢间新开张的意大利餐厅，见到装修环境唔错，就去试一试。我食咗佢地个午市套餐，有头盘，主食，甜品同餐饮。首先点咗一个蕃茄汤，呢碗汤同外面饮到的蕃茄汤完全唔同，唔系平时饮到的蕃茄膏味，而系非常清新的新鲜蕃茄味，质地顺滑得嚟又有浓浓蕃咖味，值得一试。跟住主菜系和牛肉酱意粉，意粉食落质感唔错，亦非常挂汁，每啖到食到酱汁同和牛粒。最后，重点甜品嚟到，由于同朋友一齐食，大家share 咗唔同甜品，有Tiramisu 同雪皅。甜品真系非常有惊喜，原本以为呢D 餐厅甜品质素都系一般，但佢地个Tiramisu 绝对值得加钱同encore!!! 首先讲咗个雪皅，我地食咗青苹果同士多啤梨，酸酸甜甜咁，亦有生果清香，唔系免费用嚟充数𠮶种甜品质素。最最最紧要就系Tiramisu，面头的cream 入口即溶，满满浓郁可可香味，蛋糕层湿润得嚟带有酒香，加埋少少曲奇脆脆，令口感更上一层楼。每一种味道同质感完美平衡，绝对系我食过最好味的Tiramisu，值得大推除咗食物美味，呢间餐厅ge 装修都令我留下深刻印象。墙上有手绘壁画，坐位都好舒适，好适合同朋友一齐嚟食野chill 下。