影片
更多
2016-07-09
458 浏览
乐意的concept 很好，因为佢哋承传呢一个中国人的美德和观念，今次黎到位于湾仔，其中一个仔开嘅餐厅！食嘅唔单只系食物咁简单，仲系承传呢一个意念！你都呢度环境舒适间隔舒适，很有西式嘅小品餐厅感觉！点左个洋葱汤，呢个洋葱汤算很正宗，味道香浓，洋葱分量充足，配上附芝士碎的香脆嘅多士，将多士浸于汤内然后慢慢品尝，感觉美味！呢度呢一间咁有特色嘅餐厅，当然要点一啲令人回味嘅食物！田螺焗薯蓉绝对系不能少嘅菜式！田螺大只先甜多汁！最欣赏嘅就系个薯蓉底，薯蓉及薯粒夹杂而成！焗得唔会太干，将田螺里便嘅汁，捞埋薯蓉食口感更好！前菜仲点咗个沙律，十分清新新鲜嘅沙律菜，配上车厘茄磨菇片芝士以及少少嘅提子干！酱汁份量唔多，啱晒我哋呢啲要减肥瘦身嘅人！配上提子干嘅沙律食落去味道更有层次！仲有呢个招牌嘅蟹肉饼，外层煎得香脆，内里嘅蟹肉十分之丰富，整个蟹饼都十分结实，唔会松散！味道清，能够食得出蟹肉嘅鲜味！就算唔点隔离嘅酱汁都好好味架啦！主菜点左呢一个王牌西冷，老板亲自出嚟同我地解释一下呢一个西冷扒嘅特色，老板话西冷扒可能大家会觉得好似好肥，但系事实上一件好食嘅西冷扒绝对唔能够冇咗中间嘅脂肪！脂肪系令到呢件西冷嫩鲜
你都呢度环境舒适间隔舒适，很有西式嘅小品餐厅感觉！
点左个洋葱汤，呢个洋葱汤算很正宗，味道香浓，洋葱分量充足，配上附芝士碎的香脆嘅多士，将多士浸于汤内然后慢慢品尝，感觉美味！
呢度呢一间咁有特色嘅餐厅，当然要点一啲令人回味嘅食物！田螺焗薯蓉绝对系不能少嘅菜式！田螺大只先甜多汁！最欣赏嘅就系个薯蓉底，薯蓉及薯粒夹杂而成！焗得唔会太干，将田螺里便嘅汁，捞埋薯蓉食口感更好！
前菜仲点咗个沙律，十分清新新鲜嘅沙律菜，配上车厘茄磨菇片芝士以及少少嘅提子干！酱汁份量唔多，啱晒我哋呢啲要减肥瘦身嘅人！配上提子干嘅沙律食落去味道更有层次！
仲有呢个招牌嘅蟹肉饼，外层煎得香脆，内里嘅蟹肉十分之丰富，整个蟹饼都十分结实，唔会松散！味道清，能够食得出蟹肉嘅鲜味！就算唔点隔离嘅酱汁都好好味架啦！
主菜点左呢一个王牌西冷，老板亲自出嚟同我地解释一下呢一个西冷扒嘅特色，老板话西冷扒可能大家会觉得好似好肥，但系事实上一件好食嘅西冷扒绝对唔能够冇咗中间嘅脂肪！脂肪系令到呢件西冷嫩鲜嘅重点所在！佢哋选用嘅就系来自Nebraska 产区嘅西冷！如果货源不足，佢哋宁愿唔买都唔会揾其他产区啊来代替，因为能够为客人提供最好嘅质素产品系佢哋嘅服务宗旨啊！
事实上，呢嚿西冷，大嚿，鲜嫩多汁，牛味香浓，脂肪同肉嘅比例，令食落去入口有溶化嘅感觉！正！！！留意份量都几大㗎少啲要两至三个人分享食！
甜品选咗每日限量嘅苹果批，苹果批配上美味嘅云呢拿雪糕，苹果批香脆可口，苹果蓉同提子干及玉桂味嘅平衡十分之好！简单美味地为呢一餐咁丰富嘅晚餐写上句号！呢一度有承传，有传统，有创新，另外仲有一种可能其他餐厅冇嘅感觉，就系情！食嘢除咗要食质素，仲有食故事，食味道！呢一度就可以比到一样大家都希望得到嘅"情感".
张贴
