大榮華酒樓

营业中

休息中

之前吃过晚饭，最记得系食猪油捞饭。今次系第一次饮茶，仲要饮早茶，可以早起身去饮茶真系好难得。两老因为先到，叫咗个大包仲食埋，所以冇影到相。佢哋仲叫咗叉烧包、茶果同鸡扎，但我哋坐低就即刻食咗，都冇影到相。猪膶烧卖系最后先嚟，因为即叫即整，猪膶够大块，旧烧卖有虾肉。叉烧肠粉虽然$35，有点贵，但馅料十足，叉烧好食。虾饺又系食咗一啖先记得影相，入面旧馅全部都饮虾肉，完全冇猪肉。总体来说，食物味道唔错。茶位虽然$10一位，我哋叫普洱茶，茶味够浓，即使深色都唔会太郁好难饮，所以食完晒食物都饮返几杯茶先走。