見見面 (打鼓嶺道)

营业中

休息中

天气开始转凉，心郁郁想食返餐辣野朋友揾到呢间川菜店话评价唔错，一行4人决定试试～ 4个人点左6-7个菜平均每人都系$200左右，都算抵食！重点推介系水煮桂花鱼，每道菜都可以拣辣度同少油，我哋只系叫咗少辣。桂花鱼够嫩滑，冇食到鱼骨，仲额外加咗宽粉、莴苣同莲藕片，份量超级大！宽粉食极都仲有，索晒汁，又烟烟韧韧，必加无骨辣子鸡都唔错，细细粒但够香脆入味，我哋叫咗少辣，好香口，啱送酒。家常菜酸辣土豆丝，酸度适中，而且炒得爽口。仲叫咗凉拌木耳，手撕生菜，炒番薯苗不过冇影相，水准都正常。唯一有啲失望系呢个开心凉粉（大概系呢个名），以为系烟韧口感，但原来唔系，比较腍身。