歡樂海鮮酒家

营业中

休息中

临近清明，做个孝顺仔同两老去祭祀仙人拜祭。先人拜祭完，后人都梗系要慰劳吓。自己一家人齐齐整整梗系食好啲。今次约埋阿爸阿妈去流浮山食海鲜。大家懒行一落车就拣咗对正呢间欢乐酒家。有四人餐唔使买海鲜，啱晒我哋呢啲懒人。个四人餐有芝士焗龙虾，干煎濑尿虾，粉丝蒸贵妃蚌，黄金蟹，菜丸同埋食神炒饭。呢间欢乐以前好出名，食物质素都唔错，但有一轮跌咗watt,今次谂住再试试!耐冇试过质素返返嚟,碟头唔单止够大,海鲜亦新鲜,招呼都唔错，临尾仲送个雪耳糖水，加埋汽水都系二千零蚊落楼,五个人好抵食。