籽樂廚房 (已結業)

朋友介绍呢边有间社企餐厅好适合我而家需要调整嘅心情，山林道行冇几分钟，就嚟到餐厅楼下～社企餐厅，有部分员工听觉或者说话能力有不足，但完全冇影响服务质素，甚至可以讲比部分餐厅更好。细心位系有个简单手语介绍，有兴趣嘅可以学吓，尝试用手语同侍应沟通。餐汤配蒜蓉包 - 有姜味嘅南瓜汤，啱晒钟意姜味嘅我，好特别。蒜蓉包热辣辣，松软得来淡淡香蒜，口感味道一流。巴马火腿伴蜜瓜田园沙律配无花果黑醋汁 - Parma Ham 油脂不多，味道浓郁，沙律用料新鲜，无花果黑醋酸中带甜，整个配搭唔错。芝士烟肉焗蚝 - 芝士厚厚盖住，咸咸地嘅芝士同鲜蚝好夹。黑松露野菌意大利饭 - 浓浓黑松露同野菌汁好均匀，淡淡野菌同黑松露味，而且我觉得餐厅配合左香港人口味，无真正意大利饭咁硬。即磨咖啡 - 有淡淡果香味，证明咖啡豆选材不俗。Brownies - 浓浓朱古力味，每一口都有果仁。坐坐下，有对情侣入座，冇几耐，又有一班知己朋友聚会，呢度真系一个美味同深层意义嘅地方。