悠閑閣餐廳 (已結業)

因工作关系，今日又要来到柴湾，行下行下就发现到呢间Fantastic Cafe。午餐由58到98蚊不等，包餐汤及餐饮，选择都算多。是日餐汤系忌廉蘑菇汤，忌廉汤都算滑，汤料有蘑菇粒及粟米粒，以cafe餐汤黎讲算唔错。香煎泰式香茅鸡扒饭 :份量相当大份，鸡扒腌得入味，亦煎得香脆，配埋泰式辣酱，酸酸辣辣好开胃，但略嫌酱汁有点唔够，饭食到最后都啲干。另外建议餐厅可以加多少少配菜，咁就更健康。茄蓉烟三文鱼天使面 :天使面口感烟韧，配上茄蓉酸酸地好好味，烟三文鱼新鲜，味道同天使面好夹。上返开饭网睇，先知道原来呢度系社企，食物都算抵食夹大件，有机会真系要再黎。