花姐廚房

营业中

休息中

今日嚟到三栋屋附近揾食，朋友推介花姐厨房 ，贪佢开喺马路边又有店外座位，方便泊车睇水。本来以为系普通茶记一间，事后上Openrice先至知道佢喺荃湾有好几间分店。叫咗『镇店肉丁面』，配奶油猪同埋炒蛋，饮品就要奶茶。奶油猪落咗牛油同炼奶，香脆热辣，唔差过某走高档路线的上市茶记。炒蛋就普通货色，系普通茶记级数。其实用普通价钱食到有心机整嘅奶油猪，都算难得。镇店肉丁面，卖相唔错。肉丁唔系行货开罐头，跟嚟嘅酱汁甜辣适中，十分惹味。而且无好似罐头肉丁咁散修修，可以食到一旧旧肉。捞埋公仔面一齐食，罪恶感都忘记晒。奶茶正正常常，唔系乜嘢惊为天人货色。但4草嘢有找嘅午餐，仲想点呢？