饗11 (已結業)

日式铁板烧畀人嘅感觉从来都系好贵嘅， 呢度嘅铁板餐 ＄458， 价钱唔算太贵， 食物好丰富 ，好新鲜 ，厨师手势非凡， 睇住厨师喺前面手舞足蹈 ，落下盐落下油， 好似好容易 ，好好玩，又几好睇， 睇住啲食物 由生变熟， 再砌上个碟度， 加啲花加啲叶，🌼🌿 变成一幅画。 🏞🏝🏜然之后好开心咁 ，食咗幅画落肚， 感觉系好美妙。 铁板餐包咗前菜有刺身， 碗蒸蛋，豆腐海带汤， 跟住煮菜有好多种 ，我就拣咗羊架 ，带子， 朋友仔就拣咗牛扒 ，银雪鱼 ，跟住就有大虎虾 ，配啲翠玉瓜茄子仲有一块蕃薯， 调味料用得好少， 可以食出食物原味同埋鲜味， 证明食材非常新鲜。 食完牛肉羊肉 ，带子，鱼 ，虎虾， 跟住就有樱花蛋炒饭 ，炒得好靓，个卖相好鲜艳， 粉红色嘅樱花虾加埋啲蛋 ，一大碗炒饭 ，几大食嘅人都保证够饱 。最后仲有蜜瓜 加布甸 ，冻冰冰嘅蜜瓜 ，好甜好多汁， 朋友仔仲问边度嘅蜜瓜咁靓 ，食完铁板餐去买番个靓蜜瓜返屋企继续享受。😘😘🤗🤗