有緣小敍

营业中

休息中

中环返工嘅朋友，如果想简简单单食个午餐， 都会行过嚟和安里，因为呢度由街头到街尾都有价格平实嘅餐厅。今日我选择咗有缘小叙。呢度最出名系“biang biang面”。 墙上好多剪报都有介绍。佢系一种阔身同扁身嘅面，比河粉更阔同埋更实净，成条过冇剪断嘅。只面有汤面同捞面两种食法，之前食过汤面都唔错，但而家天气太热，就觉得唔太适合，所以今日选择捞面。来到嘅时候面身系冻嘅，但系上面有热辣辣嘅芹菜饺。我即刻将酱料同碗面捞匀， 唔使摊冻就可以食。面身偏硬，而且我叫嘅小辣容易入口。相比起周围都有嘅车仔面，biang biang面特别好多。平均消费大约50蚊，系一个抵食嘅午餐。