炑八韓烤 (已結業)

续喜莱、麻蒲、达人之后依间系我第四间食嘅新式韩烧，之前佢响太子已经想试，但因为太多人要排队就冇试！因为佢依个位系新开嘅，所以暂时人唔多，佢装修都系韩式味道但我钟意佢多卡位同埋多啲方台，因为圆台可用空间比较少感觉比较迫，叫多几样嘢都冇位放！佢依间一个韩国侍应都冇全部中年阿姐阿叔，但佢哋大部分态度亲切所以就算少了韩国味还是不错的！佢同其他店差不多有蛋同芝士粟米任加，食之前仲有一个芝麻酱沙律开一开谓先！佢啲蛋初初睇到啲蛋桨以为唔够浓，但食落都几有蛋味！而佢个芝士系用比较有质素的牌子，所以味道浓郁，加埋啲烧肉生菜，真系令你食极唔停！今次试左佢嘅"霜降牛小排"颜色及雪花分布非常唔错，烤佢五六成多肉汁同牛肉味道浓郁完全不用点酱料！"烤蒜味护心猪肉"佢比其他感觉新鲜，其他铺有时真系太干，同埋充满蒜香味道，又系唔驶点酱加埋佢非常新鲜嘅菜同芝士，真系人间美味！最后"五花腩"有两大条，份量比其他店多，烧落亦非常之香口！正！顺带一提佢个桃汁亦好好饮仲有少少肉响里面添！依间暂时系我心中排第一嘅韩烧！