飯丸屋 (D2 Place TWO) (已結業)

经过D2 Place见到一间新开嘅饭团店，平时行过都好多人，今次见冇咁多人就过嚟试吓啦 😉嗌完之后要等一阵，因为饭团系即叫即整嘅，加少少钱就可以加埋个餐有饮品同埋一个小食，因为今日好想食薯条，所以就叫咗薯条🍟如果唔系都有其他小食好似系炸嘅芋泥丸咁样嘅特别。见佢有个QR code好似系可以预先嗌咁返嚟嘅时候就可以即刻攞到，下次可以试吓。今次我就叫咗明太子炸带子饭团入边仲有餐肉，因为啱啱整好嘅关系，食落去口感非常之好，啲紫菜都好脆，明太子亦都好香。饮品方面就叫咗红豆豆浆，系几特别同埋健康嘅选择。因为出边比较少见。