影片
更多
2009-11-21
222 浏览
去凤城只会去传统的旺角或北角分店, 相信心水清的食友都好清楚, 原因不再多讲, 今次一大颗人来到, 叫左唔少野食, 其中几款比较出色, 实在要介绍一下, 第一样系要预订的炸蟹钳($42一只), 价钱一d都唔平, 但试过后一定赞好, 用上原只新鲜肉蟹钳包著虾肉, 扑上薄薄的粉去炸, 绝对真材实料, 无花无假, 唔似坊间大部份中菜馆用上大量虾胶同墨鱼胶充当, 大大只热辣辣, 胀卜卜的咬下去啖啖肉, 并唔系只有一般墨鱼胶的弹牙, 但却有应该有的质感, 花四十几蚊都值得一试, 毕竟肯花时间同心思弄传统粤菜的中菜馆实在不多... 第二样系乳猪(例牌$118), 本来乳猪并生肠都系一样价钱, 但本席太多人唔食生肠, 所以只干脆地叫净乳猪, 凤城的乳猪大部份时间都系微热或暖的, 因为见佢地烧味部每次只有一只乳猪挂系到, 卖完才弄第二只出来, 其实佢地的例牌的份量并唔系多, 大概有十多件左右,有花生铺底, 我觉得适合做前菜或头盘, 乳猪件系连骨片出来, 化皮咬下去都算卜卜脆, 皮脆肉嫩, 当然有d系连著少许脂肪, 但唔算太肥, 可以接受的, 水准一如以往的高 第三样系脆皮炸子鸡($200), 老实讲
第二样系乳猪(例牌$118), 本来乳猪并生肠都系一样价钱, 但本席太多人唔食生肠, 所以只干脆地叫净乳猪, 凤城的乳猪大部份时间都系微热或暖的, 因为见佢地烧味部每次只有一只乳猪挂系到, 卖完才弄第二只出来, 其实佢地的例牌的份量并唔系多, 大概有十多件左右,有花生铺底, 我觉得适合做前菜或头盘, 乳猪件系连骨片出来, 化皮咬下去都算卜卜脆, 皮脆肉嫩, 当然有d系连著少许脂肪, 但唔算太肥, 可以接受的, 水准一如以往的高
第三样系脆皮炸子鸡($200), 老实讲以一般酒楼中菜馆来说, $200唔算好平宜, 但食过后一定物有所值, 起码每次系即叫即炸, 送到来一定系热辣辣, 伴以一旧柠檬, 唔会好似坊间的望到个样已知道系炸左一段时间, 仲要唔够热, 而且好细只, 梗系比人打左苦头咁, 凤城的绝对不会, 呢度的大大只, 绝无贪工减料, 炸工亦好, 炸到d肉刚刚熟, 皮够脆肉够嫩滑, 虽然我唔肯定佢地用新鲜定冰鲜鸡, 但水准却无可置而, 我绝对觉得系香港整得最好的炸子鸡之一
凤城的旧式服务, 装潢, 卫生当然不寄厚望, 但佢地的炸物却特别出色, 下次再来一定要试埋野鸡卷, 锅贴大明虾, 大良炒鲜奶, 西米焗布甸, 桂鱼卷, 藕饼, 煎酿菱鱼......
张贴
