The Point - Pizza & Pasta (青衣城) (已結業)

近期疫情已改善了很多，最好就系同朋友聚一聚，食下好野。今次就听朋友介绍去到了青衣城，去食The Point既二人龙虾餐。龙虾汤非常之开胃，味道咸咸地，加上少少既海鲜味，好清新，用嚟开胃同增加食欲就最好了。里面仲有淡淡肉既龙虾，开胃之选。龙虾红菜头沙律红菜头非常之有营养，份量刚刚好。味道酸酸地，一样咁开胃。有营之选。原只火焰焗酿龙虾披蕯好大气，龙虾非常之弹牙，生熟程度刚刚好，味道新鲜味美，披萨一样咁新鲜，好香脆。大气之选。龙虾芝士焗通粉我最欣赏个芝士汁，俾人感觉好饱暖，味道又唔会太过油腻同太过咸。师傅心思之选。最后仲加配了甜品同埋特饮，为完美嘅一餐画上完美句号。