拉麵Jo (已結業)

自从Yoho Mall开幕，元朗愈来愈多知名餐厅进驻，最新一间系拉面Jo, 系米芝莲推介，梗系要试下。我哋叫咗一碗特制蒜油豚骨拉面，一碗特浓博多拉面，一碟虾饺，同一杯巨峰乳酸梳打😋😋😋我碗系特制蒜油豚骨拉面。先呷一啖汤，汤头味道浓郁，加咗蒜油好香。拉面硬度虽然无得拣，但软硬适中。半肥瘦叉烧又腍又滑，食落一d都唔会觉得肥腻。半熟蛋香滑，蛋黄溏心，睇来疗愈，食来满足。其他配料有紫菜、荀、葱、木耳，最特别系有鹌鹑蛋，我胆固醇高，俾咗朋友食，朋友话少食多滋味，好味道呢。👍👍👍至于虾饺真系好特别。平时喺拉面店食嘅都系普通饺子，今次系第一次喺拉面店食到虾饺。大大只原只虾剥咗壳包喺入面，上次再唧上沙津酱，咬落弹牙鲜味，正!😍😍😍再配上一杯巨峰乳酸梳打，冰凉透心，fresh，同拉面绝配。😘😘😘