小明珠 (已搬遷) 新店位置

呢日约左朋友喺官塘附近倾嘢顺便lunch, 朋友钟意呢间餐厅嘅装修又贪佢多客应该无咁易中伏就决定喺度食lunch。朋友order左个陈醋猪软骨饭($44)，我就点左个红烧牛肉饭($49)，呢2个餐都会跟碗例汤同一杯冻豆浆。例汤同冻豆浆味道比较淡比较普通，不过我就好欣赏个主菜红烧牛肉，牛肉炆得好淋够晒火喉，食落一D都唔靱，牛味浓郁，仲有红萝卜同白萝卜做配菜，好味！而朋友亦好欣赏佢叫嘅陈醋猪软骨饭。总括嚟讲呢度食物好味，价钱公道，我会再嚟帮衬！