功夫點心

营业中

休息中

男朋友约我去迪士尼玩足一天，由于我湿疹发作要戒口，所以晚餐拣左去"功夫点心"饮夜茶，够正气呀麻 ！听闻"功夫点心"系一个成日演奸角既艺人"王俊棠"所开，有好几间分店，是晚我地去既系北角渣华道分店，北角MTR Exit A出, 系北角市政大楼对面。餐厅细细间，左右两旁分别设有卡座，配合墙上既中国水墨画及鸟笼型既吊灯，格调相当雅致骨子 ！餐牌特别，好似武林秘笈咁，d点心仲系即叫即蒸，完全食得放心 ！另外，某d点心，可以点一笼两粒，两个人就唔使食哂4粒咁多了！1.功夫虾饺皇 : 最少两粒起，点左两粒，男友食左话皮够薄，虾弹牙爽口。2.蟹粉小笼包 : 点左两个，无咩蟹粉，但皮薄肉鲜甜。3.原汁蜜味叉烧包: 包软熟，叉烧味美。4.葱花炸両肠: 肠粉够滑，炸両香脆可口！5.豉汁排骨饭: 半肥瘦排骨，肉质腍熟。6.蟹子香菰烧卖皇: 点左两粒，有爽口虾，半肥猪肉，好味。7.马来沙嗲蒸凤爪: 辣得入味，凤爪好口。8.香煎萝卜糕: 萝卜香甜。9.翡翠叉烧肠: 肠粉幼滑，叉烧大件好味。侍应生能心态度较散漫，挂住倾计，叫极无反应！圣诞节食中餐，同样一乐也！