橋底串屋

营业中

休息中

特登嚟到桥底度食串烧，上网见评语几好，估唔到出色嘅唔单只系串烧仲有呢个自家制薄荷冰粉。好正常应该会同大家讲串烧食咗啲乜嘢，但今次一反常态，要介绍咗个甜品薄荷冰粉自己煲嘅薄荷底配上冰粉山楂黑糖等等，口感冰凉好解辣，暂时食过最吸引我嘅冰粉，系香港啊！大厨话佢每一日新鲜整个冰粉底，所以呢卖完就冇㗎啦！一人一碗解辣啱啱好！串烧方面点左但系唔记得影相，食咗呢个牛脷薄片，好有口感同𡁻头。必食呢个牛小排，烧到肉质鲜嫩，牛味丰富。有两个锅㗎不过呢今次嗌左个全牛锅，就觉得好似上次另外一个杂锦锅抵食啲。因为呢一个全牛锅，全部都系牛肚嚟嘅，相比上次𠮶个杂锦呢又有唔饱又有菜又有肉呢就抵食好多。都睇个人喜好啦！食完之后忍唔住再叫多一次冰粉，真系好好味啰！夜晚时间系星期六日真系好多人最好打电话嚟睇吓有冇得订枱。