鋿晶館

营业中

休息中

鋿晶馆（上环）今日假期我同老公去咗上环嘅鋿晶馆食中菜。餐厅环境似啲旧式酒楼，坐落舒服，可以枱之间距离不会太近。1 龙虾海皇羹海皇羹用料丰富，有好多海鲜同材料，所以饮落好鲜甜。材料包括有虾、瑶柱、龙虾、蛋白、金华火腿、红萝卜粒。龙虾同虾新鲜，肉质弹牙。另外，金华火腿香浓滋味，令成个汤嘅味道更加升华。2叉烧叉烧布满蜜汁，热辣辣，睇到已经流晒口水。叉烧半肥不瘦，肉同脂肪嘅比例啱啱好。叉烧肉质松化，表皮带点焦香。3 金薯一口牛依碟小菜非常惹味。牛肉浓味，肉质松化。薯仔表面炸过，食落表面香脆，内里粉糯。另外，仲有青椒、红椒作伴菜，除咗视觉上更加丰富，食落都更加香口。4 香柠虾球虾球大大只，炸完后，食落好香口，入边虾肉弹牙。之后再用上青柠酱打茨，识落酸酸甜甜。面层仲放上香脆的花生粒，令口感更丰富。5 润肠带子扒豆苗最后食返个蔬菜先。师傅将带点酒味的腊肠润肠切成粒粒，再配上粒粒的带子，成个𩠌菜味道非常特别。豆苗新鲜，炒完好有镬气。