回憶客棧 (富臨門大廈)

营业中

休息中

係深水埗玩具街買完玩具畀孫仔後，周圍行吓搵野食，見到嘉頓附近有新店，有花甲粉和串燒，花甲粉仲要係我最喜歡的粉絲，當然要試下。餐廳有酒bar和梳化位，雖不是好大，但闊落舒服。花甲鮮蝦粉、花甲鮮魷粉（$62）可以要求多蔥，多芫荽，開心。花甲數量適中，粉絲浸飽湯汁好好食。鮮蝦粉有3隻大蝦，相對得幾個魷魚圈的鮮魷粉抵食。小辣的湯底較不辣的惹味，不辣的都很鮮甜。串燒燒茄子（$32）好大碟又惹味，必食。燒秋刀魚（$28）魚較瘦和少肉，但燒得靚，不乾柴。燒翠玉瓜（$13）鮮嫩有汁燒韭菜（$13）味道好，不過韭菜有渣。