路邊煱 (已結業)

趁未踏入炎夏仲可以打边炉,今日就约埋好朋友一齐去试吓花甲蟹锅！花甲蟹锅先到,滚返热就可以先饮汤同埋食咗海鲜先,花甲又大只又鲜甜份量都唔少至于只蟹我哋初时以为会系花蟹点知系一只超多膏既膏蟹黎,啲蟹膏浮晒上个汤嘅面度,真系非常之吸引!食完海鲜就饮埋佢个汤,个汤胡椒味强劲,饮完成个人都热晒~每人饮咗两碗我之后就正式开始打边炉啦!识得食紧系食手切本地肥牛拼牛颈脊,呢度啲牛肉向来有质素保证,肥瘦适中,自命系牛魔王既你不容错过!即制脆炸响铃,放落汤到一秒拎返上黎,已经吸满晒汤汁,正!手打四宝丸,墨鱼丸同埋虾丸甚为出色!仲叫咗其他打边炉嘅食物,但系已经食到唔记得咗影相了~