影片
更多
2021-04-25
111 浏览
平时都钟意打吓边炉嘅我，今次由朋友介绍去左试旺角一间食花胶鸡煲嘅火锅店，唔驶问，花胶鸡锅就系呢度嘅招牌菜，不过最劲嘅系，原来呢度做紧个推广，四个人嚟食，你就可以叫佢哋嘅一蚊花胶鸡锅，呢个价钱，唔试下又点对得住自己呢。我哋拣咗平日嚟食，因为比较容易book位，餐厅地点方便，旺角地铁一出，行两分钟已经到。上到去一坐低，侍应已经叫我哋一定要试个花胶鸡锅，仲同我哋讲其他嘢食可以逐样嗌，因为个锅本身都已经好饱，我哋四个女仔食嘅话，惊叫得太多会食唔晒。 朋友负责睇餐纸，我就负责等食，望下餐厅嘅格局，啲座位都几舒服，而每一张枱都有消毒液俾客人使用，非常贴心。而远处见到有个海鲜鱼缸，畀客人即叫即㓥，钟意食海鲜嘅朋友，都可以bookmark依间下次嚟试下。好嘞，讲返我哋嘅主菜先，鸡锅同花胶系分开上嘅，鸡见到系成只上，净系睇汤底颜色都已经知系好浓，花胶亦都满满一碟，落咗花胶之后一阵，侍应会过嚟帮你将只鸡剪件，我急不及待夹咗只鸡髀食，超嫩超好味，再试埋个汤，真系好正，侍应仲提我哋可以加汤任饮唔嬲，赞！ 花胶夹起都好大件，食落好黏兼吸左鸡汤鲜味，我哋四位女士，一路食一路倾，好快已经清咗成只鸡同啲花胶，到果刻都
我哋拣咗平日嚟食，因为比较容易book位，餐厅地点方便，旺角地铁一出，行两分钟已经到。上到去一坐低，侍应已经叫我哋一定要试个花胶鸡锅，仲同我哋讲其他嘢食可以逐样嗌，因为个锅本身都已经好饱，我哋四个女仔食嘅话，惊叫得太多会食唔晒。
朋友负责睇餐纸，我就负责等食，望下餐厅嘅格局，啲座位都几舒服，而每一张枱都有消毒液俾客人使用，非常贴心。而远处见到有个海鲜鱼缸，畀客人即叫即㓥，钟意食海鲜嘅朋友，都可以bookmark依间下次嚟试下。
好嘞，讲返我哋嘅主菜先，鸡锅同花胶系分开上嘅，鸡见到系成只上，净系睇汤底颜色都已经知系好浓，花胶亦都满满一碟，落咗花胶之后一阵，侍应会过嚟帮你将只鸡剪件，我急不及待夹咗只鸡髀食，超嫩超好味，再试埋个汤，真系好正，侍应仲提我哋可以加汤任饮唔嬲，赞！
花胶夹起都好大件，食落好黏兼吸左鸡汤鲜味，我哋四位女士，一路食一路倾，好快已经清咗成只鸡同啲花胶，到果刻都真系半饱左。
之后再嚟另一个招牌菜，安格斯手切肥牛，朋友上次食过话正，所以今次嚟要再食，讲真卖相一嚟已经好吸引，牛肉嘅色泽同雪花纹都好靓，绝对唔系平时放题果种普通质素，食落嘅口感及肉味都系上级之选。
之后再食其他火锅配料，有响铃、鸭血、虾滑、牛丸等。。（挂住食，有好多唔记得影相😂），所有嘢都系好新鲜，冇雪味，值得一赞。
比起其他放题嚟讲，依度散叫可能仲平仲抵，我哋每人唔使200蚊就搅掂，真系超抵超满足，未试过嘅朋友，真系值得一试。
张贴
