天聚源 (已結業)

话说好耐冇同朋友食野，佢话想好想食海鲜，咁我之前系蓝地附近食饭留意到呢间食蒸海鲜，好似唔错，所以今次就食下呢间！入到去地方好大！有室内同室外，店员就安排我地坐室外，好彩天气岩岩好，空气够流通！我地叫左个498既套餐，而我叫左佢地最近新推出既生啤，劲大杯！好似叫白帝，好有麦味，食海鲜送啤酒！一流！一开始店员将啲米放入锅内，应该系食到最后先食。前菜有 沙律 同 乌冬，好道唔错！之后上埋啲海鲜，有龙虾，大圣子，大扇贝，海虾，花甲，贵花蚌，贝贝蚬，沙白蚬，走地鸡。每样都两人份量，好多款，同埋真系好新鲜，上埋黎都仲郁紧。间餐厅有样好，就系有张野写左每样海鲜蒸几多分钟，十分细心。