影片
更多
2018-07-15
196 浏览
周日又系Shopping日，朝早食完个brunch，两点几就肚饿，行过见到有cake shop自然就要埋去睇睇，加上外面落大雨影响心情(明显系藉口)，一于每人拣返个靓cake医吓肚开吓心。大大个蛋糕柜，里面系一个个圆顶玻璃罩罩住可爱嘅蛋糕，喺灯光折射下亮丽登场。Cake shop有埋座位，买完唔驶揾地方即刻食埋～只系座位面向走廊，啲人行过𠮶阵会望吓你食紧乜，令我哋哭笑不得。由于个个蛋糕都好吸引，对于有选择困难症嘅我地实在系幸福嘅烦恼，最后拣咗【法国玫瑰】同【双重朱古力】。【法国玫瑰$54】拣佢主要原因系因为颜值高，二嚟系支持吓今晚法国队啲靓仔赢世界杯。最抢眼系朵粉红玫瑰，真系食得架。玫瑰侧边就系红桑子同忌廉，真系好可爱。蛋糕有清香玫瑰味，口感松软。忌廉就系云呢拿味，同蛋糕一齐食口感软滑。【双重朱古力$54】虽然冇法国玫瑰颜值咁高但感觉都几高雅。蛋糕嘅朱古力味道适中，唔会过甜，上面有白朱古力片同朱古力酱，中间仲有朱古力忌廉同朱古力碎粒，感觉唔止系双重而系多重朱古力。有别于铜锣湾店，尖沙咀店唔系Cafe系卖蛋糕为主，所以就冇咖啡饮，但都有支装茶供应。【春果花茶$25】果味几清香。【台湾有松
大大个蛋糕柜，里面系一个个圆顶玻璃罩罩住可爱嘅蛋糕，喺灯光折射下亮丽登场。
Cake shop有埋座位，买完唔驶揾地方即刻食埋～只系座位面向走廊，啲人行过𠮶阵会望吓你食紧乜，令我哋哭笑不得。
由于个个蛋糕都好吸引，对于有选择困难症嘅我地实在系幸福嘅烦恼，最后拣咗【法国玫瑰】同【双重朱古力】。
【法国玫瑰$54】
拣佢主要原因系因为颜值高，二嚟系支持吓今晚法国队啲靓仔赢世界杯。最抢眼系朵粉红玫瑰，真系食得架。
玫瑰侧边就系红桑子同忌廉，真系好可爱。蛋糕有清香玫瑰味，口感松软。忌廉就系云呢拿味，同蛋糕一齐食口感软滑。
【双重朱古力$54】
虽然冇法国玫瑰颜值咁高但感觉都几高雅。蛋糕嘅朱古力味道适中，唔会过甜，上面有白朱古力片同朱古力酱，中间仲有朱古力忌廉同朱古力碎粒，感觉唔止系双重而系多重朱古力。
有别于铜锣湾店，尖沙咀店唔系Cafe系卖蛋糕为主，所以就冇咖啡饮，但都有支装茶供应。
【春果花茶$25】果味几清香。【台湾有松鱼池阿萨姆红茶$25】个名好鬼长，前者有花茶香味，后者就好似红茶味，两款都系不含糖份，配搭蛋糕🎂一流☺。
张贴
