Casa Fina Seafood & Oyster Bar (已結業)

身为蚝魔嘅我对于生蚝嘅喜爱可以话一言难尽， 平时自助餐都起码食一打生蚝，呢间餐厅嘅生蚝质素非常好，配上白酒简直系人生乐事。我地点咗三款生蚝，分别来自法国同美国，全部都十分新鲜，法国生蚝仲要有浓厚嘅矿物味，令人一试难忘。生蚝配白酒，香车配美人，新鲜生蚝加上质素好嘅白酒系最强配搭。海鲜方面我地仲叫咗淡水小龙虾，小龙虾肉质鲜嫩，比起龙虾更为弹牙。之后我地仲叫咗小虎虾沙律，沙律用料十足，起码有十只小虎虾，加上特制酱料，十分开胃。主菜方面就叫咗蛏子意粉同埋烧春鸡，意粉爽口微辣，食多几啖都唔滞，烧鸡鲜嫩可口，外皮脆口，配上黑胡椒十分出色。甜品我哋就叫了galeto，柠檬雪糕加曲奇，系我近期食过最出色嘅甜品。