荳子 (新城市中央廣場)

营业中

休息中

Beans食过好几次，餐单都冇咩点变，午餐晚餐餐单都差不多，今次食下未食过嘅款式～有饭、小食、甜品同饮品一入到啲waiter话坐bar枱，以为系冲饮品𠮶种，点知系对住一个玻璃墙，入边有个植物嘅摆设，都几靓，但系啲光闪闪下，食嘢嘅时候有啲骚扰🙈落完单，首先一嚟系饮品，两杯都系冻朱古力，好浓朱古力味，上面有层奶泡同可可粉，卖相都好靓。小食叫咗孜然单骨鸡翼，即系有四只鸡翼😂，味道都唔错，孜然味唔系话好重，不过单骨食落冇咩肉，但就入味啲墨鱼汁海鲜意大利饭，个饭好黑但唔系净系得个样，仲食到有墨鱼汁味，上面有几款海鲜甜品系香草梳乎厘，呢个好值得一试再试，佢入面系半熟，好软好滑，唔系太甜之余带云呢拿味，一啲都唔漏。