影片
更多
2017-02-05
2902 浏览
Maggie妹 & Elaine妹特登嚟探肥妈同肥妈拜年，细妹建议先请佢哋食午餐，就呢间啦！平靓正嘛！今次系我第二次嚟(第一次亦系细妹介绍)，我哋一行四人，细妹11：50pm嚟攞位，等咗十五分钟左右，可以入座！由于事前已温定功课，我好快锁定目标！我点咗1)甜虾沙律、2)白汁鸡肉菠菜、3)墨鱼汁意粉；细妹点咗4)香辣鸡翼(8只)、5)三文鱼沙律、6)烟肉菠菜；Maggie & Elaine就点咗7)水牛芝士Pizza & 8)三文鱼芝士饼；另外加四个自助餐饮(每位$12，无限添饮)。啲食物好快嚟到，大约十分钟已经嚟齐，放到成枱都系，好壮观！好满足！两碟沙律要求啲酱分开上系明智嘅！因为唔驶咁heavy！我先试甜虾沙律，虾仔好细，但鲜甜，菜&车厘茄亦新鲜爽脆，好味！之后我食白汁鸡肉菠菜，啲汁好入味，同菠菜好夹！我一个人食咗大半碟！So Yummy～再嚟墨鱼汁意粉，坦白讲，我唔知乜嘢味？有少少咸，有三旧墨鱼圈，有少少墨鱼碎，加埋墨汁黑猛猛，好有墨鱼feel, 但味道偏淡！意粉唔多似意粉，幼身偏硬有咬口，似天使面！虽然系咁，但我都捞啲白汁菠菜啲汁，食咗四份三碟！(因佢哋唔多钟意，净系Maggie
今次系我第二次嚟(第一次亦系细妹介绍)，我哋一行四人，细妹11：50pm嚟攞位，等咗十五分钟左右，可以入座！
由于事前已温定功课，我好快锁定目标！我点咗1)甜虾沙律、2)白汁鸡肉菠菜、3)墨鱼汁意粉；细妹点咗4)香辣鸡翼(8只)、5)三文鱼沙律、6)烟肉菠菜；Maggie & Elaine就点咗7)水牛芝士Pizza & 8)三文鱼芝士饼；另外加四个自助餐饮(每位$12，无限添饮)。
啲食物好快嚟到，大约十分钟已经嚟齐，放到成枱都系，好壮观！好满足！
两碟沙律要求啲酱分开上系明智嘅！因为唔驶咁heavy！我先试甜虾沙律，虾仔好细，但鲜甜，菜&车厘茄亦新鲜爽脆，好味！
之后我食白汁鸡肉菠菜，啲汁好入味，同菠菜好夹！我一个人食咗大半碟！So Yummy～
再嚟墨鱼汁意粉，坦白讲，我唔知乜嘢味？有少少咸，有三旧墨鱼圈，有少少墨鱼碎，加埋墨汁黑猛猛，好有墨鱼feel, 但味道偏淡！意粉唔多似意粉，幼身偏硬有咬口，似天使面！虽然系咁，但我都捞啲白汁菠菜啲汁，食咗四份三碟！(因佢哋唔多钟意，净系Maggie试咗少少，最后我全碟清哂！)
三文鱼芝士饼，外脆内软亦够热，似食有鱼味同杂菜粒嘅薯饼！我点啲沙律酱汁，好味！
鸡翼我冇食，但佢哋话唔错，同样清哂！
唯独剩返两片pizza食唔哂打包，我傍晚KO咗，又系咸咸哋，似面包舖嘅芝士包！我点咗好多茄汁，味道都ok！
自助餐饮我饮咗一杯热美禄、半杯道地冻柠茶同冲咗一杯热苹果茶(用苹果茶包)，苹果茶我自己加咗一包代糖，Oh～So香！So tasty！！
埋单$250，四人计每人只需$62.5，但呢餐细妹请！好抵！好味！多谢细妹～
连续食咗两餐劲嘢，双下巴又快重现了！真系要好好收敛了！
张贴
