Oliver's Super Sandwiches (太古城中心)

营业中

休息中

喺太古城行街 ，行到攰攰哋， 想揾啲嘢食， 见到呢度有焗薯食🥔， 正合心水。 同honey两个每人拣一个焗薯餐， 有南瓜汤🎃同caesar salad 🍲，加埋只是百二蚊， 经济实惠。 我叫咗碎蛋🥚 沙律焗薯， 一个好大嘅焗薯， 上面堆满碎蛋沙律， 香滑美味， 焗薯新鲜热辣， 配埋碎蛋沙律 ，非常和谐。南瓜汤又香又结又够热 ，系冬天嘅恩物 。仲有少少 caesar salad 补充维他命c同叶绿素， 仲有纤维， 非常健康嘅轻食餐。 如果有长者证👴👵， 仲可以送多杯饮品， 真系一个良心企业， 每人60蚊， 就可以有一个好特别嘅焗薯餐， 真系非常经济实惠的选择。 原来除咗焗薯🥔， 仲有好多其他食物， 有各款三文治，🥪 有意粉 🍝，各式沙律 🍲，仲有特色咖啡☕️。 下次嚟太古城真系要试真啲。💪💪