影片
更多
2018-09-05
3059 浏览
老友记话北角开咗家新酒店，佢哋嘅自助晚餐喺超长时间，由18:30pm-22:30pm，而且，食物方面有唔少卖点。其实，呢一区都甚少嚟，但既然有新嘢，而且，又可以同啲老友聚一聚，时间长可以慢慢倾个够，就算未喺快乐周五，一样可以好开心食番餐。餐厅Farm House就位处五星级嘅「海汇酒店」（Hotel Vic）西座2楼，离地铁站都只喺5-10步程，非常方便。既然叫得Farm House，环境自不然有点关联，一室木系，部份地方更搭建成农舍模样，架上放置好多盆栽，而且，地方阔落，楼底好高，枱与枱之间距离足，配合上柔和嘅灯光，令整体环境都予人悠闲舒服，感觉轻松。食物嘅摆放基本上可以讲喺分两大片区，一入门口嘅片区，集中于沙律、冷盘、海鲜、刺身及寿司、甜品、饮品呢6个类别。即刻去片，等小弟逐类介绍，不过，话晒都先后有序，甜品就番待最后先讲。即榨蔬果汁平时真喺极少一开始就介绍饮品，因为，大部分自助餐都喺供应啲果汁、啡茶之类，甚少称得上特色。但呢度就提供即榨蔬果汁，据侍应介绍，仲喺日日不同，是晚就有甘笋、雪梨及西瓜，你想点沟都得，或者净喺一款都可以。小弟心多，就先要杯三沟清新一吓味蕾，天然嘅蔬果汁当然
既然叫得Farm House，环境自不然有点关联，一室木系，部份地方更搭建成农舍模样，架上放置好多盆栽，而且，地方阔落，楼底好高，枱与枱之间距离足，配合上柔和嘅灯光，令整体环境都予人悠闲舒服，感觉轻松。
食物嘅摆放基本上可以讲喺分两大片区，一入门口嘅片区，集中于沙律、冷盘、海鲜、刺身及寿司、甜品、饮品呢6个类别。即刻去片，等小弟逐类介绍，不过，话晒都先后有序，甜品就番待最后先讲。
即榨蔬果汁平时真喺极少一开始就介绍饮品，因为，大部分自助餐都喺供应啲果汁、啡茶之类，甚少称得上特色。但呢度就提供即榨蔬果汁，据侍应介绍，仲喺日日不同，是晚就有甘笋、雪梨及西瓜，你想点沟都得，或者净喺一款都可以。小弟心多，就先要杯三沟清新一吓味蕾，天然嘅蔬果汁当然无得输啦，正呀，所以，是夜前前后后都饮咗三几杯。
即榨蔬果汁
94 浏览
2 赞好
0 留言
咁都顺便讲埋有咩自助饮品供应，一边嘅冻柜有支装可乐、雪碧及忌廉，而另一边则放置两大部咖啡机，有多款意式咖啡供选择，不过，咖啡机嘅出品大家自然心里有数；此外，多款「川宁」品牌嘅茶包、柠檬片、全脂奶，可以让客人作自己心水饮品嘅配搭。
沙律老规矩，小弟食自助餐嘅首发设定喺沙律，因为，食咗沙律先真喺会开胃啲，无咁快滞。晌沙律吧，排列咗4款沙律菜、13款配料、4款酱汁及油醋，唔详细讲，自行看图索骥；而另一边冻柜，则供应几款现成沙律，例如烧田园杂菜、苹果沙律、烤鱿鱼配西柚沙律、蕃茄沙律。
随心拣上自己嘅喜好，拼凑埋一小碟沙律拼盘，整体嚟讲，啲材料都几新鲜，所用嘅质素亦唔差。
沙律
52 浏览
0 赞好
0 留言
正正就喺放晌冻柜之内，除冷冻住保存鲜度之外，有晒柜门，就更加衞生，唯一缺点喺一边门开咗，另一边就郁唔到。而冷盘方面，共有4款芝士、蔬果条、风干牛肉、莎乐美肠、烟鸡胸、烟鸭胸、冻肉肠、巴马火腿，算喺选择唔少㖞。
拣咗几款冷盘嘢，再晌另一边拎咗啲生果，自家制巴马火腿伴蜜瓜。虽然只喺几款冷盘食物滋尝，但均食得出质素。喺唯一唔记得拎啲芝士，之后亦无咗回事而错过咗。
冷盘
113 浏览
0 赞好
0 留言
炖汤食完两道生冷嘢，揾碗炖汤嚟暖吓胃先。汤品晌晒另一个食物片区，等阵先详细介绍𠮶边，依家就分享吓个炖汤。由于唔见佢有摆个名牌，所以，都唔喺百份百确定个汤名，但有啲瘦肉、响螺肉，入口清润、老火，饮完一身暖意。
海鲜喺食自助餐嘅回本区，先扫视一下有咩海鲜先，包括：法国面包蟹、波士顿龙虾、翡翠螺、澳洲青口、纽西兰蚬同冻海虾，当然，如有埋生蚝就更回到本啦。
6款海鲜话多唔多，话少唔少，刚好砌成一小碟拼盘，摆得满满。面包蟹非常多膏，入口甘腴；龙虾、海虾同样肉质爽口，味道鲜甜；翡翠螺、青口、纽西兰蚬，亦喺质素不俗嘅货色，好满足。
海鲜
147 浏览
0 赞好
0 留言
小弟一向有个感觉，就喺晌自助餐所提供嘅刺身，普遍都喺啲普通货色，故此，都甚少晌自助餐中食刺身。不过，是夜经过「日本档口」，睇见啲刺身色泽亮丽，仲唔喺普通嘢，包括赤虾、带子、八爪鱼、吞拿鱼、油甘鱼、三文鱼，驻足八吓嘅时候，师傅仔更强调吞拿鱼喺蓝鳍，质素绝不失礼。因此，要一碟刺身跟朋友共享，不过，冻柜上面嘅杂锦寿司同卷物，就无谓嘥咗我嘅「储存空间」去试嘞！
6款刺身，可以讲喺样样都几得，赤虾够晒大只，味鲜而虾肉带黏；带子劲厚肉，入口软滑鲜甜；八爪鱼爽口得嚟有韧劲，但却唔会好似橡皮咁样；吞拿鱼、油甘鱼、三文鱼都各有个性，据师傅仔讲，逢星期五六日更会有原条蓝鳍吞拿鱼即切表现，相信几有视觉效果同吸引力。
刺身、寿司
124 浏览
2 赞好
0 留言
烤肉、串烧企近门口，已闻到阵阵香气，皆因对正门口就喺烤羊架同串烧，睇住师傅密密烧，香气一定四溢啦！隔离位就有烧西冷，大大条嘅西冷，就算薄切都好大件，而且，烧得非常靓仔，十分之吸引。配以上嘅肉类，薄荷啫喱、黑椒汁、烧汁及沙爹酱当然唔少得啦。
热盘跟住介绍喺有咩热盘先，晌整个片区里面，热盘分开咗几排摆放，好处喺可以分散到人流，唔使啲客堆埋一齐攞热盘嘢食。而啲热盘都有揾电磁炉热住，第一排先有红酒烩鸡、白汁鲈鱼、甜蕃薯、扒杂菜、Lobster Pizza及煎鹅肝；
行过少少，第二排主要喺啲咖喱类，例如印度薄饼、印度薄脆片、黄姜饭、咖喱杂菜、咖喱角……等等。顺带一提，晌度仲放咗啲食咖喱嘅配料、西式面包及忌廉蘑菇汤。
兜过另一边，有第三排热盘， 3款热食：波士顿龙虾、咕噜肉同越南大头虾。隔离仲摆埋3款中式烧味：蜜汁叉烧、明炉烧鹅同烧肉。
面对多款热盘，有啲都几想试，所以，随个人心水精选咗一碟。波士顿龙虾以中式整法，姜葱煀，正㖞，而且，虾钳已经扑咗壳，食起嚟唔太难，又啖啖肉㖞；西冷同羊架都一样咁正，够肉香，又唔会又韧又嚡；啲咖喱都做得出色，咖喱香得嚟有层次；喺大头虾失望啲，好肉地，但唔爽，反而觉得有少少霉肉。
继续介绍埋呢区嘅热食，大大个巨型蒸笼，摆满牛肉烧卖、粉果、马拉糕、叉烧包、荷叶饭，对本地人嚟讲，未必好吸引，但对游客，反而喺好有地道卖点嘅选择。
此外，更有香港本土特色嘅仲有大堆车仔𩠌，由于以大煲装起晒，就唔方便逐煲揭开形，大概有鸡翼、牛肚、猪皮、海螺、猪红、萝卜、咖哩鱼蛋……等等。试就无试，味道唔知喺点，但不时见有客人要，相信喺情怀所至。而早前提及嘅炖汤，就放晌车仔𩠌附近。
即煮意大利面即煮意大利面档其实都几吸引，有3款面条、2款酱汁（蕃茄汁或忌廉汁）、多款配料（如蟹肉、西班牙辣肉肠、蘑菇、洋葱……等等）供选择，加上大大原个意大利芝士摆晌眼前，非常抢眼。
即煮日本面档除西式代表嘅意大利面档，亦有日式代表嘅即煮拉面、乌冬档口，配料有日式叉烧、蟹柳、油豆腐干、椰菜丝、粟米粒、木耳丝……等等，汤底只有一款：猪骨汤。初头经过仲以为喺本土嘅粉面档，当然，你喜欢嘅话，一样可以自家港日联乘配搭，日式拉面配车仔𩠌，再搭啲烧味都仲得。
甜品一早已讲过，甜品就放晌入门口嘅片区，分咗几组枱面摆放，冻柜内有好多的骰小巧嘅小甜点：意式奶冻、迷你法式焦糖炖蛋、朱古力慕斯、布朗尼、士多啤梨慕丝蛋糕、焦糖慕丝蛋糕……等等，汽水柜上面就仲有多款杯装乳酪。
另一边箱就喺港式糖水，但全部都喺冰镇住冻食，如杨枝甘露、凉粉、豆腐花……等等。
再过一啲，喺有师傅驻场即制嘅班戟同窝夫，更有好多配料伴食；其次，晌呢组柜枱，仲有其他甜点，如柠檬挞、朱古力挞、迷你焗面包布甸及红豆沙。整体嚟讲，数吓数吓都有成十多款，应满足到一般需要。
虽然款式唔少，但较有特色嘅亦唔多，故此，今次拎嘅数量无平时咁一大碟，只喺精选其中较心水嘅6款。其他甜点喺点我唔敢讲，但所拣呢6款就极有水准，尤其朱古力挞、焦糖慕丝蛋糕，前者朱古力香浓柔滑，挞壳脆口；后者就慕丝做得幼滑，带阵阵香甜焦糖味。
鲜奶咖啡上文都提及过餐厅供应自助啡茶，所以，嚟到品尝甜点嘅时候，条件反射下，自然冲杯鲜奶咖啡相伴。老实讲，由咖啡机冲调嘅质素，就千祈唔好有太多期望，味道一般嚟讲都还可以，口感喺会差啲啲。之但喺，好钟意佢只瓦茶杯，好有原始味。
雪糕柜其实，晌甜品区仲放置咗个大型新式嘅雪糕柜，斜斜哋设计，远睇成只小飞船，内里放满好多杯装雪糕及雪条，品牌喺Mövenpick、Häagen-Dazs及牛奶公司，就算喺后者，都喺啲特色雪条，更让小弟可以怀旧一番。
正正因为有咁多雪糕、雪条拣，所以，上面份甜点拼盘都唔敢太放肆拎太多，留肚叹雪条！无错，今回只食雪条，因为几款品牌雪糕都食过，反而雪条未试过，拎咗哈根大师嘅焦糖脆饼雪条及牛奶公司嘅经典凤仙。前者混有好多粒粒嘅焦糖脆饼，啱晒我啦，而后者相信好多70后打落嘅都好有一份回忆，晌细细个嘅时间，佢嘅地位就好似依家嘅大品牌雪糕咁，晌当时喺种高档雪条，香蕉脆皮、云呢嗱雪糕、芒果酱夹心，喺怀旧嘅味道。
哈根大师嘅焦糖脆饼雪条
89 浏览
0 赞好
0 留言
牛奶公司嘅经典凤仙
35 浏览
0 赞好
0 留言
张贴
