添好運點心專門店 (裝修中)

由于ifc分店系lunch hour时段系超级多人, 所以今次特意来到大角咀食依家星级点心店. 根据之前经验, 除左酥皮叉烧包系比较impressive之外, 其他点心都只系一般水平 (当然我无试晒全部list上既点心...). 所以, 每次叉烧包都系必叫之一. 一如以往~酥皮叉烧包仍然都系好好味~~无令我失望. 另外, 估唔到今次马拉糕有惊喜, 竟然散发住甜甜地, 有d糖既香味~比一般既好食~正! 此外, 我地仲食左粉果同凤爪排骨饭. 粉果同出面个d无咩分别. 凤爪排骨饭就可以话系好坏参半, d排骨唔错, 比出面个d好~食到有肉味而唔系雪味. 不过可惜d饭唔得...d米唔好食...而凤爪, 佢依只系似人地炆个种(胶质多d), 但其实我比较欣赏平时个只...一般般啦~总括黎讲: 依度点心质素算ok, 但唔系真系出色得咁紧要, 个笑面系比酥皮叉烧包同马拉糕的!